Soltústik Kıprdiń túrik baqylaýyndaǵy jaǵalaýynda 270-ke jýyq jolaýshysy men ekıpajy bar parom aýdarylyp, kem degende alty adam qaza tapty. Aımaq premer-mınıstri Iýnal Iýsteldiń memlekettik TRT telearnasyna senbi kúni málimdeýinshe, 237 adam qutqarylyp, 24 adam izdestirilýde.
Katamaran tıptes parom Kıprdiń bólingen soltústigindegi Kırenıa (Gırne) portynan Túrkıanyń Mersın provınsıasyndaǵy Tashýdjý portyna bet alǵan. Kırenıa ákimi Mýrat Shenkýl paromnyń Filo Denizcilik kompanıasyna tıesili ekenin jáne Dıana jaǵajaıy mańynda sýǵa batqanyn aıtty. TRT málimetinshe, parom jaǵalaýdan shamamen 7,5 shaqyrym (4 teńiz mıli) qashyqtyqta sýǵa tola bastaǵan.
Oqıǵa ornynan túsirilgen vıdeoǵa qutqarý keýdeshelerin kıgen adamdardyń aýdarylǵan kemeniń aınalasyndaǵy sýda qalqyp júrgeni kórinedi. Túrkıanyń Nıkosıadaǵy elshisi Álı Murat Bashcherı TRT-ge bergen suhbatynda qurbandar bar ekenin, biraq naqty sanyn aıtpaǵanyn habarlady. Bashcherı 259 jolaýshy men segiz ekıpaj múshesiniń kóbi qutqarylǵanyn, keıbiriniń aýrýhanaǵa jetkizilgenin aıtty. Tolyǵyraq aqparat keıinirek...