Almaty – Astana baǵytyndaǵy reıstiń jolaýshysy FlyArystan áýekompanıasynyń erejelerine narazylyǵyn áleýmettik jelide bildirdi. Onyń aıtýynsha, ushý eki saǵatqa keshiktirilgen. Bul oqıǵa jolaýshylardyń biriniń qol júginiń normadan asyp ketýine baılanysty bolǵan, dep habarlaıdy infohub.kz.
Threads áleýmettik jelisinde elmara_duisenbayeva atty qoldanýshy FlyArystan reısiniń eki saǵatqa keshiktirilgenin, sebebi jolaýshylardyń biriniń qol júginde problema bolǵanyn jazdy. Onyń sózinshe, salmaq 400 gramǵa artyq bolǵandyqtan, 200-den astam adam otyrǵan ushaqty bortynda 50 mınýttaı ustaǵan, al reıstiń ózi eki saǵatqa keshiktirilgen. Jolaýshy artyq salmaq úshin 11 myń teńge aıyppul tólegen, biraq sodan keıin barlyǵyn túsirip, qaıtadan tekserýden ótkizgen. 00:50-de ushý 01:30-ǵa aýystyrylǵany habarlanǵan, alaıda qaıta tekserý sol ýaqytta bastalmaǵan. Avtor áýekompanıadan SMS alǵanyn, onda tasymaldaýshy jaýapkershilikti ózinen alyp tastaıtynyn aıtqan.
Post astyndaǵy pikirlerde FlyArystan baspasóz qyzmeti jaǵdaıdy túsindirdi. 24 tamyzda FS7063 reısi Almaty – Astana baǵytynda ushý aldynda jolaýshy belgilengen tasymaldaý erejelerin buzyp, tártipsizdik kórsetken. Áýe kemesiniń komandıri ushý qaýipsizdigin qamtamasyz etý úshin bul jolaýshyny tasymaldaýdan bas tartý týraly sheshim qabyldaǵan. Jolaýshyny reısten shyǵarýǵa baılanysty avıasıalyq qaýipsizdik talaptaryna sáıkes barlyq jolaýshylar túsirilip, áýe kemesine qaıtadan aldyn ala tekserý júrgizilgen. Qajetti prosedýralar aıaqtalǵannan keıin jolaýshylar qaıtadan otyrǵyzylǵan. Nátıjesinde ushý 1 saǵat 52 mınýtqa keshiktirilgen.
FlyArystan jolaýshylardan májbúrli kútý men keshiktirýge baılanysty qolaısyzdyqtar úshin keshirim surap, bul sharalardyń ushý qaýipsizdigin qamtamasyz etý úshin mindetti ekenin atap ótti.