Pavlodarda 62 jastaǵy er adam 2012 jyly 72 jastaǵy zeınetkerdi óltirgeni úshin sottaldy. Qylmys 14 jyldan keıin ashyldy, dep habarlaıdy infohub.kz.
İs materıaldary boıynsha, 2012 jyly er adam «Iablonka» baý-baqsha seriktestiginiń aýmaǵynda bolyp, qart áıelmen tanysyp, onyń úıine kirýge ruqsat suraǵan. Baý-baqsha úıinde olar birge аlkogól ishken.
Osydan keıin kúdikti zeınetkerdi eki ret zorlap, izin jasyrý úshin ony tunshyqtyryp óltirgen. Áıeldiń denesi birneshe kúnnen keıin ǵana tabylǵan.
Pavlodarlyqtyń qylmysqa qatysy 14 jyldan keıin ǵana anyqtaldy. Er adam kisi óltirýdegi kinásin joqqa shyǵarmady.
Zorlaý úshin ol qylmystyq jaýapkershilikten merzimi ótkendikten bosatyldy. Alaıda kisi óltirgeni úshin jazasyn ótedi.
«Qylmystyq quqyq buzýshylyqtardyń jıyntyǵy boıynsha osy úkimmen jáne Pavlodar oblysynyń qylmystyq ister jónindegi mamandandyrylǵan aýdanaralyq sotynyń 2023 jylǵy 19 qyrkúıektegi úkimimen taǵaıyndalǵan jazalardy ishinara qosý arqyly túpkilikti 20 jyl merzimge bas bostandyǵynan aıyrý jazasyn taǵaıyndaý», — dep úkimdi sýdıa Janna Nyǵybaeva jarıalady.
Sottalǵan qazirdiń ózinde kolonıada. 2023 jyly ol «Stroıtel» baý-baqsha seriktestiginde 59 jastaǵy tanysyn óltirgeni úshin kináli dep tanyldy. Tergeý derekteri boıynsha, janjal kezinde er adam áıeldiń moınyna koftany orap, ony tunshyqtyryp óltirgen.
Qazir sottalǵan 62 jasta.