Pavlodar oblysynda Jeńis kúni qarsańynda 4 myńǵa jýyq adam birjolǵy járdemaqy alady, dep habarlaıdy infohub.kz.
Qazirgi tańda óńirde Uly Otan soǵysynyń 7 qatysýshysy ǵana turady (bir jyl buryn 11 bolǵan). Olarǵa 2 mıllıon teńgeden beriledi — bul soma ótken jylǵy deńgeıde.
Sonymen qatar, soǵysqa qatysýshylar men múgedekterge teńestirilgen 3,8 myńnan astam adamǵa jáne tyl eńbekkerlerine jalpy somasy 350 mıllıon teńge birjolǵy járdemaqy tólenedi. Tólemder 10-nan 40 AEK-ke deıingi mólsherde bolady, dedi jumyspen qamtý men áleýmettik baǵdarlamalardy úılestirý basqarmasynyń basshysy Álmıra Disúpova.
Ótken jyly Pavlodar oblysynda ardagerlerge úıleriniń aldynda mereke uıymdastyryldy: tereze astynda soǵys jyldaryndaǵy ánder shyrqaldy, qart adamdardy sharshatpaý úshin.