Pavlodarda páter urlyǵynyń serıasyna kúdikti 36 jastaǵy er adam ustaldy. Buryn birneshe ret sottalǵan astanalyq qylmysker bir sqema boıynsha áreket etken: kiltterdi iriktep, úıge kirip, zergerlik buıymdardy, aqsha men qundy zattardy urlap, keıin lombardtarǵa ótkizip otyrǵan. Túsken qarajatty jeke qajettilikterine jumsaǵan, dep habarlaıdy infohub.kz.
Polısıa málimetinshe, 2026 jyldyń shildesinde kúdikti bir páterden shamamen 6 mıllıon teńge somasynda urlyq jasaǵan. Barlyǵy ol úsh uqsas qylmysqa kúdikteledi, al jalpy shyǵyn mıllıondaǵan teńgeni quraıdy. Jeke tintý kezinde er adamnan aqshanyń bir bóligi alyndy, al Semeı qalasyndaǵy lombardtardyń birinen urlanǵan altyn buıymdar tabylyp, tárkilendi.
«36 jastaǵy er adam — buryn birneshe ret sottalǵan astanalyq turǵyn. Jeke tintý kezinde aqsha qarajatynyń bir bóligi tabylyp, alynsa, Semeıdegi lombardtan altyn buıymdar tabylyp, alyndy. Urlyq faktisi boıynsha qylmystyq is qozǵaldy. Kúdikti ýaqytsha ustaý ızolátoryna jabyldy. Polısıa onyń óńirdegi basqa da osyǵan uqsas qylmystarǵa qatysy bar-joǵyn tekserýde», — dedi Pavlodar oblysy polısıa departamenti krımınaldyq polısıa basqarmasy bastyǵynyń mindetin atqarýshy Oljas Temirov.