Pavlodar áýejaıy ushý-qoný jolaǵyn qaıta qurý aıaqtalǵan soń shtattyq rejımge oraldy. Jóndeýden keıingi alǵashqy reıs Astana – Pavlodar – Astana baǵyty boıynsha oryndaldy, dep habarlaıdy infohub.kz saıty.
Qaıta qurý barysynda ushý-qoný jolaǵy jańartylyp qana qoımaı, eni 45 metrden 60 metrge deıin keńeıtildi. Bul áýejaıǵa zamanaýı áýe kemelerin qabyldaýǵa jáne ushý qaýipsizdigin arttyrýǵa múmkindik beredi.
Qazir Astana – Pavlodar – Astana baǵyty boıynsha sýbsıdıalanatyn reıster iske qosyldy. Olardy aptasyna tórt ret Vietjet Qazaqstan áýekompanıasy oryndaıdy. «Bir baǵyttaǵy bılet quny 15 myń teńgeni quraıdy», — dep naqtylady vedomstvoda. Bul baǵytqa bılet satý tamyz aıynyń birinshi jartysynda bastaldy.
1 qyrkúıekten bastap komersıalyq reısterdi qaıta jandandyrý josparlanýda. FlyArystan Pavlodar – Almaty – Pavlodar baǵyty boıynsha kún saıyn ushady. Sol kúni «Sıbır» áýekompanıasy Pavlodardan Novosıbırskige halyqaralyq reısterdi iske qosýdy josparlap otyr. Ushýlar aptasyna jeti ret oryndalady.
Eske salaıyq, Pavlodar áýejaıy 2025 jyldyń 1 sáýirinde qaıta qurýǵa jabylǵan bolatyn. Osy kezeńnen bastap barlyq reıster toqtatylǵan edi.
Buǵan deıin «Kýrsıv» Arqalyq áýejaıy qurylysty jáne sertıfıkattaýdyń barlyq qajetti rásimderin aıaqtaǵanyn jazǵan bolatyn. Alǵashqy reısti 22 tamyzda qabyldaý josparlanýda.