KTK telearnasynyń saıty habarlaǵandaı, Pavlodar oblysyna qatty daýyl soǵyp, tórt aýyldy jaryqsyz qaldyrdy. Stıhıa shatyrlardy julyp, aǵashtardy qulatty jáne elektr jelilerin úzip tastady.
Ýspensk aýyldyq okrýginde daýyl kúndiz aspan ashyq turǵanda soqty. Jergilikti turǵyndar úlken quıyndy kórip, ony tornadomen salystyrdy.
Qońyr Ózek aýylynda birneshe mınýt ishinde 12 úıdiń jáne jergilikti klýbtyń shatyry ushyp ketti. Tórt aýyl tolyǵymen jaryqsyz qaldy. Oqıǵa ornyna avarıalyq brıgadalar shyǵyp, elektr jelilerin jedel túrde qalpyna keltirdi.
Qıraǵan jerlerdiń naqty kólemi áli eseptelip jatyr.