20 shildede Pavlodar oblysyndaǵy Aqtogai Milk sút fermasynda qaıǵyly oqıǵa boldy: káriz qudyǵynda gazben ýlanyp, alty adam qaza tapty. Qurbandardyń arasynda kámeletke tolmaǵan bala da bar, dep habarlaıdy infohub.kz saıty.
Qaza tapqan jumysshylardyń otbasylary materıaldyq qoldaý alady. Aqtogai Milk kompanıasy olarǵa jyl sońyna deıin jalaqy tóleýge, nesıelerin óteýge kómektesýge, sondaı-aq qaza tapqandardyń kámeletke tolmaǵan balalaryn 18 jasqa tolǵanǵa deıin asyrap, bilim berýdi óz moınyna alýǵa mindettendi. Budan basqa, memlekettik organdar da qoldaý kórsetedi.
Oqıǵa káriz qudyǵynda elektr sorǵysyn jóndeý kezinde bolǵan. Gazben ýlaný saldarynan 1963, 1975, 1983, 1998, 2006 jáne 2009 jyly týǵan alty er adam oqıǵa ornynda qaza tapty. Osylaısha, eń kishisine 16-17 jas bolǵan. Taǵy bir zardap shekken kómirqyshqyl gazynan ortasha aýyrlyqtaǵy ýlanýmen Aqtoǵaı aýdandyq aýrýhanasyna jatqyzyldy.
Aqtogai Milk fermasy, ashyq derekkózderdiń málimetinshe, Pavlodar oblystyq máslıhatynyń depýtaty Aleksandr Terentevke tıesili. Ol kóńil aıtyp, kásiporyn otbasylarǵa kómek kórsetetinin rastady.
Oqıǵa boıynsha polısıa qylmystyq is qozǵady.