Pavlodardaǵy jalpy bilim beretin mektepterdiń birinde shatyr órtendi. TJM naqtylaǵandaı, qaza tapqandar men zardap shekkender joq, dep habarlaıdy infohub.kz saıty.
Oqıǵa ornyna kelgen órt sóndirýshiler profıldi jabynnyń astynda jylý oqshaýlaǵyshtyń janǵanyn anyqtady. Aldyn ala boljam boıynsha, órt shatyr jumystary júrgizilip jatqan kezde shyqqan.
Qutqarýshylar kelgenge deıin ǵımarattan on shaqty adam ózdigimen ketip úlgerdi.
Órt sóndirýshiler jalynnyń shatyrdyń búkil aýmaǵyna taralýyna jol bermedi. Órtti sóndirýdi shatyrdyń qurylymy qıyndatty: metal qańqasy qos tóbe prınsıpimen jasalǵan, al shatyrdyń ózi eki jaǵynan profıldi jabynmen qaptalǵan. Oshaq qurylymnyń ishinde bolǵandyqtan, ony tabý qıynǵa soqty.
Jasyryn órt oshaqtaryn tabý úshin órt sóndirýshiler teplovızordy qoldanyp, sýdy tikeleı janý ornyna berý úshin shatyrdyń jeke bólikterin ashty.
TJM órt qaýipsizdigi erejelerin saqtaý qajettigin eskertip, tótenshe jaǵdaı týyndaǵan kezde 112 nómirine qońyraý shalýdy surady.
Buǵan deıin «Kýrsıv» basylymy 26 shildede Pavlodarda toǵyz qabatty úıdiń jetinshi qabatyndaǵy páterde órt bolǵanyn habarlaǵan. Kireberisten 20 adam, onyń ishinde bes bala ózdigimen evakýasıalandy. 25 sharshy metr aýmaqty qamtyǵan órt sóndirildi, zardap shekkender bolǵan joq.