Pavlodar oblysynda balyqshy arheologtarǵa biregeı jańalyq ashýǵa kómektesti: ol shamamen 4 myń jyldyq jerleý ornyn tapty, dep habarlaıdy infohub.kz saıty.
KTK telearnasynyń málimetinshe, Pavlodar qalasynyń mańyndaǵy qum karerinde jergilikti balyqshy adam súıegin taýyp, arheologtardy shaqyrǵan. Ǵalymdar bul erte qola dáýirine tán jerleý ekenin anyqtady. Ejelgi adammen birge eńbek quraldary: kvarsıt ketpen, tas usatqysh jáne jyltyratylǵan balta — kendi usaqtaý jáne metaldy óńdeý úshin qoldanylǵan. Bul artefaktiler 4 myń jyl buryn jergilikti turǵyndardyń belsendi ómir súrgenin jáne alǵashqy metalýrgter bolǵanyn kórsetedi.
Ornynan ot izderi de tabyldy, olar alǵashqy balqytý peshteri bolýy múmkin. Adamdar myńdaǵan jyl buryn qalaı ómir súrgenin qazir zamanaýı tehnologıalar arqyly zertteýde. A. Marǵulan atyndaǵy PPÝ janyndaǵy Arheologıalyq zertteýler ınstıtýtynyń ǵylymı qyzmetkeri Elena Týsheva: «Ol jerde keramıka, kómir kezdesedi, ıaǵnı bul aýmaq tas dáýirinen, keıingi tas dáýirinen bastap adamdar mekendegen. Bizdegi mıkroskoptardyń kómegimen olardyń metaldy óńdegen-óńdemegenin, qandaı metaldy, qandaı operasıalarda qoldanǵanyn naqty aıta alamyz. Biz topyraq aldyq, klımatty qalpyna keltirý úshin zertteý júrgizemiz», — dedi.