Pavlodar oblysynda qatty naızaǵaı, burshaq jáne ekpindi jelmen birge nóser jańbyr jaýdy. Sonyń saldarynan alty adam zardap shekti, dep habarlaıdy inbusiness.kz.
Pavlodarda naızaǵaı kezinde 1993 jyly týǵan er adamǵa aǵash butaǵy qulady. Zardap shekken basynan jaraqat aldy. Ony №1 qalalyq aýrýhanaǵa jetkizip, qajetti medısınalyq kómek kórsetildi. Odan ári emdelýdi ambýlatorıalyq jaǵdaıda jalǵastyrady.
Taǵy bir shaqyrtý Qudaıkól aýylynan túsken. Onda birden bes adamǵa medısınalyq kómek qajet boldy. 2007 jyly týǵan qyz oń bilegi men qolynan kógerip, syzat aldy, 1979 jyly týǵan er adam oń qolynan syzat aldy. Taǵy úsh jasóspirim kógerip, syzattanǵan. Tekserýden keıin dárigerler zardap shekkenderdiń eshqaısysyn aýrýhanaǵa jatqyzýdyń qajeti joq degen qorytyndyǵa keldi.