Pavlodar oblysynyń Ýspen aýdanynda qatty jelden ınfraqurylym nysandary men turǵyn úıler zaqymdandy, dep habarlaıdy infohub.kz.
Qońyrozek, Chıstopol, Voznesenka jáne Nadarovka aýyldarynda (Qońyrozek aýyldyq okrýgi) kerneýi 10 kV elektr jelisiniń jeti tiregi búlingen. Aýdandyq elektr jelileri mamandary qalpyna keltirý jumystaryn júrgizýde. Aýdandyq ákimdiktiń habarlaýynsha, oǵan 10 adam men úsh tehnıka jumyldyrylǵan.
Qońyrozek aýylynda jel 12 jeke turǵyn úıdiń jáne mádenıet úıiniń shatyryn julyp ketti. Zaqym kólemi naqtylanýda.
Aldyn ala málimetterge sáıkes, ólim men zardap shekkender joq. Oqıǵa ornynda jergilikti atqarýshy organdar men TJD qyzmetkerleri – barlyǵy 27 adam men bes tehnıka jumys istep jatyr.
Qońyrozek aýylynda shamamen 650 adam turady, 190 úı bar. Jaǵdaı baqylaýda. Mamandar zardaptardy naqtylap, zaqymdardy joıýdy jalǵastyrýda.
«Qazgıdromet» Pavlodar turǵyndaryna aldaǵy táýlikke daýyldy eskertý jasady. 22 shildede túnde jańbyr men kún kúrkireýi kútiledi. Kúndiz jaýyn-shashyn kúsheıip, burshaq pen ekpindi jel bolýy múmkin. Batystan soǵatyn jeldiń jyldamdyǵy 9–14 m/s, ekpini 15–20 m/s, keıde 23–28 m/s jetedi.