Pavlodar oblysynda sot kólik quralyn basqarý quqyǵy joq 16 jastaǵy jasóspirimniń anasyn jaýapkershilikke tartty. Áıelge aıyppul salyndy, dep habarlaıdy infohub.kz saıty.
Pavlodar oblysy sottarynyń baspasóz qyzmetiniń málimetinshe, 9 mamyrda kámeletke tolmaǵan L. kólik quralyn basqarý quqyǵy joq motosıkl aıdaǵan. Keıin ol polısıa qyzmetkerlerimen ustaldy.
Jasóspirimniń anasy kámeletke tolmaǵan balany tárbıeleý jáne oqytý jónindegi ózine júktelgen ata-analyq mindetterdi tıisinshe oryndamady dep aıyptaldy. Áıel kinásin moıyndap, oqıǵadan keıin ulymen profılaktıkalyq áńgime júrgizgenin túsindirdi.
Sondaı-aq ol jumys isteıtinin jáne balany jalǵyz tárbıelep otyrǵanyn aıtty. Sot L.-nyń kinásin moıyndaǵanyn jáne onyń asyraýynda kámeletke tolmaǵan bala bar ekenin eskerdi.
Áıelge 10 táýlikke deıingi ákimshilik qamaý túrindegi jaza ne 20 aılyq eseptik kórsetkishke deıingi (86 500 teńge) aıyppul salynýy múmkin edi. Sonymen qatar sot aıyppul mólsherin 30%-ǵa qysqartyp, túpkilikti óndirip alý somasyn 60 550 teńge etip belgiledi.