Pavlodar oblysy Aqqýly aýdandyq soty er adamdy medısına qyzmetkerlerin qorlaǵany úshin eki táýlikke ákimshilik qamaqqa aldy, sondaı-aq oǵan úsh aılyq minez-qulyq shekteýlerin belgiledi, dep habarlaıdy infohub.kz.
Sot anyqtaǵandaı, 2026 jylǵy 14 shildede Iamyshevo aýylynyń turǵyny mas kúıinde shaqyrtý boıynsha kelgen jedel járdem brıgadasyn bylapyt sózben qorlaǵan. Onyń áreketteri Qazaqstan Respýblıkasy Ákimshilik quqyq buzýshylyq týraly kodeksiniń 80-1-babynyń 2-bóligimen saralanǵan.
Sot otyrysynda er adam kinásin tolyq moıyndap, ókingen. Sot kináni moıyndaý men ókinýdi jeńildetetin mán-jaılar retinde eskerdi; aýyrlatatyn mán-jaılar anyqtalmady. Sot qaýlysymen quqyq buzýshy kináli dep tanylyp, oǵan eki táýlik merzimge ákimshilik qamaq jazasy taǵaıyndaldy.
Sonymen qatar, sot er adamǵa úsh aıǵa minez-qulyqqa arnaıy talaptar belgiledi: аlkogóldi ishimdikterdi, esirtki zattar men psıhotroptyq preparattardy tutynýǵa tyıym salyndy. Sondaı-aq ol apta saıyn ýchaskelik polısıa ınspektoryna profılaktıkalyq áńgimege kelip turýǵa mindetti. Sot qaýlysy áli zańdy kúshine engen joq.