Pavlodarda «Taza Qazaqstan» respýblıkalyq aksıasy aıasynda aýqymdy senbilik ótti: myńdaǵan qala turǵyny Ýsolka ózeniniń jaǵasyn tazartýǵa shyqty, al Satpaev kóshesiniń boıynda 60 iri jóke aǵashy paıda boldy. Bul — jasyl qordy jańartý baǵdarlamasynyń jalǵasy, dep habarlaıdy infohub.kz saıty.
Oblys ákimi Asaın Baıhanovtyń tapsyrmasymen Pavlodarda jasyl qordy jańartý baǵdarlamasy birneshe jyldan beri tabysty júzege asyrylyp keledi. Qaladaǵy eski aǵashtar tamyr júıesimen birge tolyǵymen alynyp, ornyna jańalary otyrǵyzylady. Onyń ústine kishkentaı kóshetter emes, iri aǵashtar paıdalanylady.
«Olardyń artyqshylyǵy — tamyrynda qory men qalyptasqan bórikbasy bolǵandyqtan, tez ónimdi bolady jáne birden 2-3 jylda bizge estetıkalyq ta, ekologıalyq ta paıda ákele bastaıdy. Osy paıdaly jaqtaryn beredi», — deıdi pavlodarlyq bıolog Tatána Ponomareva.
Otyrǵyzý sharasyna qala turǵyndary, sondaı-aq Pavlodar oblysynyń ákimi Asaın Baıhanov pen Pavlodar qalasynyń ákimi Hasar Habylbekov qatysty. Oblys basshysy qoldanylyp jatqan tájirıbeniń ózin jaqsy kórsetkenin, sondyqtan aýqymdy ulǵaıtýǵa bolatynyn atap ótti.
«İri aǵashtardyń sanyn birneshe ese kóbeıtý kerek. Máselen, 2027-2028 jyldary 3 myń aǵash otyrǵyzý. Iá, bul qymbat, biraq biz oǵan qarajat taba alamyz. Jeke ózimniń alańdaýshylyǵym — bizdiń topyraq óte agressıvti, jaýyn-shashyn mólsheri az — 200-250 mm. Ekinshiden, bizde qum. Osynyń bárine baılanysty usaq aǵashtardyń túptenýi qıyn», — dedi Pavlodar oblysynyń ákimi Asaın Baıhanov.
Sonymen qatar búgin Ýsolka ózeniniń jaǵasynda aýmaqty tazartý jónindegi eń aýqymdy aksıalardyń biri ótti, oǵan myńdaǵan qala turǵyny qatysty. Jastar, qoǵam belsendileri, volonterler birneshe gektar jerdi turmystyq qoqystan tazartty. Munda konserttik baǵdarlama uıymdastyrylyp, tegin palaý taratyldy.
«Tazalyq jáne abattandyrý aılyǵy kezinde qalalyq polıgon turǵyndardan qoqysty tegin qabyldaıdy. Búkil tazalyq aıy boıy qala ákimdiginiń TKSh bólimi turǵyndardyń ótinimderi boıynsha qoqys shyǵarýǵa arnalǵan arnaıy tehnıka beredi», — dep habarlady Pavlodar qalasynyń ákimdigi.
Aıtpaqshy, Pavlodarda jyl saıyn «Taza Qazaqstan» aksıasyna parkter men skverlerdi, óz aýlalaryn, balalar jáne sport alańdaryn tazartýǵa daıyn ondaǵan myń qala turǵyny qatysady. Tazalyq aılyǵy 12 qazanǵa deıin jalǵasady. Sondaı-aq maýsym sońyna deıin Pavlodarda taǵy 650 aǵash otyrǵyzý josparlanyp otyr.