Pavlodarda jer astyna qulap, kúıik alǵan er adamǵa ótemaqy tólendi. Tólem somasy jarıalanbady, dep habarlaıdy infohub.kz saıty.
Oqıǵa jaqynda boldy: er adam trotýarmen kele jatyp, kenetten jer astyna qulap, qaınaǵan sýǵa túsip ketti. Zardap shekken adam aýyr kúıik aldy. Oblystyq densaýlyq saqtaý basqarmasynyń málimetinshe, 1991 jyly týǵan er adam Pavlodar qalalyq №1 aýrýhanasynyń kúıik bólimshesine eki aıaǵynyń 2-3 dárejeli termıalyq kúıigimen jatqyzylǵan, zaqymdaný alańy 7 paıyzdy qurady. Naýqastyń jaǵdaıy ortasha aýyrlyq dárejesinde baǵalandy.
Keıin barlyq jaýapkershilikti jergilikti jylý jelileri óz moınyna alǵany belgili boldy. Qaınaǵan sý tolǵan shuńqyrǵa qulap, aıaǵyn kúıdirip alǵan er adamǵa ótemaqy tólendi. KTK telearnasynyń dereginshe, sol kúni er adam tórt jasar balamen serýendep júrip, kenetten jer astyna qulaǵan. Bala keremet túrde zardap shekpegen.
Jylý jelileri basshylyǵy bolǵan oqıǵaǵa jaýapkershilikti ózinen almaı otyr — sebep retinde jylý qubyrynyń jarylýy ataldy. Tótenshe jaǵdaı bolǵan ýchaske sońǵy ret 15 jyl buryn jóndelgen. Qazir ol jerdi qaıta jamap, qummen kómip tastaǵan. Sújette aıtylǵandaı, zardap shekken adamǵa ótemaqy tólengen. Qandaı soma ekeni naqtylanbaıdy, biraq kásiporyn dırektorynyń aıtýynsha, er adamnyń eshqandaı shaǵymy joq.