Pavlodarda jas ana bıiktikten qulaǵan muz keseginen bas jaraqatyn aldy. Ol balasyn arbamen serýendetip júrgen kezde oqıǵa boldy. Polısıa qylmystyq is qozǵady, dep habarlaıdy infohub.kz saıty.
Kerek.pv Telegram-arnasynyń málimetinshe, oqıǵa 8 shildede Nazarbaev dańǵylyndaǵy úıdiń mańynda bolǵan. Jarıalanǵan vıdeodan zardap shekken áıeldiń basyndaǵy jarany tigýge týra kelgeni kórinedi. Týystarynyń aıtýynsha, kináli áli tabylmaǵan, olar terezeden muz tastaǵan adamdy óz betinshe izdep júr. Jarıalanym avtorlary muz keseginiń qulaǵan páteri polısıa qyzmetkerleriniń biriniń týystaryna tıesili bolýy múmkin ekenin de málimdedi.
Pavlodar oblysy polısıa departamenti oqıǵaǵa qatysty pikir bildirdi: «Densaýlyqqa qasaqana jeńil zıan keltirý faktisi boıynsha polısıa qylmystyq is qozǵady. Polısıa qyzmetkerleri beınebaqylaý kameralarynyń jazbalaryn alyp, zerdeledi, kýágerlerden surastyryldy, sondaı-aq basqa da qajetti tergeý sharalary júrgizildi. Beınejazbada zattyń zardap shekken áıelge qulaǵan sáti tirkelgen».
Qazirgi ýaqytta polıseıler bolǵan oqıǵanyń barlyq mán-jaıyn anyqtap, oqıǵaǵa qatysy bar adamdy anyqtaýda. Tergeý óńirlik polısıa departamenti basshylyǵynyń erekshe baqylaýynda.