Ispanıa premer-mınıstri Pedro Sanches X áleýmettik jelisinde Eýropalyq odaq týynyń «jańa nusqasyn» jarıalady: ondaǵy 12 altyn juldyzdyń qasyna Kanadany bildiretin qyzyl úıeńki japyraǵy ornalastyrylǵan. Ispan premeri osy áreketimen Kanadaǵa EO-nyń alǵashqy asosıasıalanǵan múshesi bolý usynylǵanyn meńzedi, dep habarlaıdy infohub.kz saıty.
Sanches jazbasyna eshqandaı mátindik túsinikteme qospaǵan.
Eske salaıyq, bir kún buryn Eýropalyq komısıa tóraǵasy Ýrsýla fon der Láıen Kanadaǵa Eýroodaqtyń alǵashqy asosıasıalanǵan múshesi bolýdy usynǵan edi.
Osydan keıin AQSh prezıdenti Donald Tramp EO-nyń Kanadamen áriptestigi Amerıka Qurama Shtattaryna qaýip tóndirse, AQSh Eýroodaqpen saýdany toqtatýy múmkin ekenin málimdedi.
Tamyz aıynyń sońynda Kanada premer-mınıstri Mark Karnı AQSH-qa qarsy «dollarǵa dollar» mólsherinde qarsy baj salyǵyn engizetinin aıtqan bolatyn.
Buǵan jaýap retinde Donald Tramp Kanadanyń saıasatyn sátsiz dep atap, el basshylyǵyn, onyń ishinde premer-mınıstr Mark Karnı men Ontarıo provınsıasynyń premeri Dag Fordty quzyretsiz dep baǵalady.