Pekınde «Delfın» taıfýnynyń jaqyndaýyna baılanysty jappaı evakýasıa jarıalandy. Sınoptıkter Qytaı astanasyna rekordtyq mólsherde jaýyn-shashyn túsýi múmkin ekenin boljap otyr, dep habarlaıdy infohub.kz saıty.
«Delfın» taıfýny Qytaıdyń soltústik jáne ortalyq aımaqtarynda nóserli jańbyr týdyrýyn jalǵastyrýda. Osyǵan baılanysty Pekınniń myńdaǵan turǵyny sý tasqyny men kóshkin qaýpi bar aýdandardan evakýasıalandy. Meteorologtardyń boljamynsha, aldaǵy 24 saǵatta astanada 150 mıllımetrden astam jaýyn-shashyn túsýi múmkin, al keıbir aýdandarda 200 mıllımetrden asady. Bul Pekındegi jyldyq ortasha jaýyn-shashyn mólsheriniń (528 mıllımetr) úshten birinen astamyn quraıdy.
Sársenbide Pekınde nóserli jańbyrǵa baılanysty qaýiptilik deńgeıi boıynsha ekinshi orynda turǵan sary eskertý jarıalandy. Qala kezekti qatty jańbyrǵa daıyndalýda: 6300-den astam nóser sýy aǵyndary tazartylyp, 252 sý tasqynyna qarsy top daıyndyqqa keltirildi. Sý basý qaýpi joǵary aımaqtarǵa sorǵylar ornatylýda.
«Delfın» taıfýny Chjeszán provınsıasyndaǵy aýyldar men aýyl sharýashylyǵy jerlerin sý astynda qaldyrǵany habarlandy. Pekın bıligi júzdegen týrısik oryndar men kempıngterdi jaýyp tastady, 1300-den astam týrıs evakýasıalandy nemese qalaǵa kirýge ruqsat berilmedi. Sonymen qatar, 5 myńnan astam qart adam qarttar úıinen kóshirildi, al taýly nemese jaǵalaý aımaqtaryndaǵy qurylys alańdarynyń mańynda turatyn 1800-ge jýyq adam da evakýasıalandy.
Eske salaıyq, buǵan deıin «Delfın» taıfýny Qytaıdyń shyǵys jaǵalaýyna jetip, halyq tyǵyz qonystanǵan aýdandarǵa soqqy bergeni habarlanǵan bolatyn. Taıfýnmen baılanysty nóserli jańbyr eldiń edáýir bóligine áser etýin jalǵastyrýda, bul sý tasqynyna qarsy sharalardyń kúsheıtilýine, poıyzdar qozǵalysynyń toqtatylýyna jáne Pekın men kórshiles Tánszınde, sondaı-aq ortalyq jáne shyǵys provınsıalarda sý tasqyny týraly eskertýlerge sebep bolýda.