Perýdiń ońtústigindegi And taýlarynda 6,7 baldyq jer silkinisi boldy. Bul týraly AQSh Geologıalyq qyzmeti habarlady. Alǵashqy málimetter boıynsha, zardap shekkender men qıraǵan ǵımarattar joq, dep habarlaıdy infohub.kz saıty.
Jer silkinisi jergilikti ýaqyt boıynsha saǵat 13:00-de (Grınvıch boıynsha 18:00) bolǵan. Oshaǵy Aıakýcho aımaǵynyń Parınakochas provınsıasyndaǵy Ýpaýacho qalasynan soltústik-batysqa qaraı 38 shaqyrym jerde, tereńdigi 66 shaqyrymda ornalasqan. Dúmpý Perýdiń birneshe ońtústik aımaqtarynda, sonyń ishinde Ika men Arekıpada sezilgen.
Azamattyq qorǵanys basqarmasynyń basshysy Lýıs Vaskes RPP radıosyna bergen suhbatynda «ázirge eshqandaı zalal týraly habarlanǵan joq» dedi. Parınakochas provınsıasynyń ákimi Ionı Reıes te provınsıa ortalyǵynda zalal joqtyǵyn rastady. Perý Áskerı-teńiz kúshteri sýnamı qaýpi joqtyǵyn málimdedi.
Perý — Tynyq muhıtynyń «otty beldeýinde» ornalasqan, seısmıkalyq belsendiligi joǵary aımaq. 2007 jyly Ika aımaǵynda bolǵan 7,9 baldyq jer silkinisi saldarynan 600-ge jýyq adam qaza tapqan edi.