Petropavlda iri komýnaldyq apat saldarynan 40 kópqabatty turǵyn úı men birqatar bıznes nysandary, sonyń ishinde keıbir saýda-oıyn-saýyq ortalyqtary sýsyz qaldy, dep habarlaıdy infohub.kz saıty.
Apat 40 kópqabatty turǵyn úı men kásipkerlik nysandaryn, onyń ishinde jekelegen SOO-lardy qamtydy. Jer astynan atylǵan sýǵa baılanysty komýnaldyq qyzmetkerler qalanyń mańyzdy arterıasy bolyp tabylatyn búkil magıstraldi dereý óshirýge májilir boldy.
Zaqymdalǵan ýchaskeni izdeýge on saǵattan astam ýaqyt ketti. Jumysty apattyń qalyń asfált qabatynyń astynda, bes metr tereńdikte bolýy qıyndatty.
24 qyrkúıekte sýmen jabdyqtaý qalpyna keltirildi — qala turǵyndary ýaqytsha basqa magıstralge qosyldy. Jóndeý brıgadalary apat ornynda jumysyn jalǵastyrýda.
90 santımetrlik qubyrdyń jarylǵany anyqtaldy, onyń jasy shamamen 40 jyl. Aǵýdy jaqyn táýlik ishinde joıýǵa ýáde berildi.
«Qazir keıbireýlerde úzilister bolýy múmkin, óıtkeni biz ári qaraı japqysh armatýramen manıpýlásıalardy jalǵastyramyz. Sondyqtan keıbir jerlerde úzilister bolýy múmkin. Petropavl qalasynyń turǵyndarynan, dál osy aýdannyń turǵyndarynan túsinistik tanytýlaryn suraımyn. Sál shydamdylyq, óıtkeni osyndaı úlken máseleni múldem óshirýsiz sheshe almaımyz», — dedi «Qyzyljar Sý» JSHS bas ınjeneri Andreı Fomıchenko.