Petropavl botanıkalyq baǵynda kútpegen másele týyndady: mekeme qyzmetkerleri qorǵalatyn aýmaqqa esirtki jetkizýshiler men olardyń klıentteriniń naǵyz qajylyq jasap jatqanyn aıtyp otyr, dep habarlaıdy infohub.kz saıty.
Baq qyzmetkerleri munda keletin, biraq tańǵajaıyp ósimdikterge de, sırek kezdesetin janýarlar men qustarǵa da múlde qyzyqpaıtyn beıtanys adamdardyń legin baıqaǵan. Olardyń aıtýynsha, qara kıimdi adamdar jerge birdeńe salyp ketedi, al basqalary sońynan izdeıdi.
Oqıǵa ornyna kelgen polıseıler kúdikti sálemdemeni tapty. Onyń ishindegi zat saraptamaǵa jiberildi.
Aıta keteıik, bıyl botanıkalyq baqqa kópten kútken erekshe qorǵalatyn tabıǵı aýmaq mártebesi berildi. Endi munda qaýipsizdikti uıymdastyrý josparyn júzege asyrý kózdelip otyr.
«Bul kameralar ósimdikterge kedergi jasamaýy kerek. Iaǵnı, myna butaq kedergi bolyp tur, kamera jaqsyraq kórýi úshin kesip tastaıyq dep aıtý múmkin emes. Munda ǵylymı turǵydan kelý qajet», — dep túsindirdi mekeme dırektory Artýr Rázapov.