Petropavlda sot birneshe júk kóliginiń ıesin respýblıkalyq trassanyń boıyndaǵy tehnıkany alyp ketý týraly polısıanyń zańdy talabyn oryndamaǵany úshin ákimshilik qamaýǵa aldy, — dep habarlaıdy infohub.kz saıty.
Júk kólikteri uzaq ýaqyt boıy Astana – Kókshetaý avtomobıl jolynyń 479–480 shaqyrymynda, Petropavl áýejaıyna burylystyń janynda turǵan. Aýyr tehnıka saldarynan jol tóseminde oıys paıda bolǵan.
Iesi kiltteri joq, júrgizýshilermen baılanysa almaǵandyqtan jáne kólikterdiń aqaýlyǵynan mashınalardy alyp kete almaǵanyn aıtqan. Alaıda sot bul dálelderdi negizsiz dep tapty, óıtkeni olar obektıvti dáleldermen rastalmaǵan. Menshik ıesi kedergilerdi joıý, sonyń ishinde aqaýly tehnıkany jóndeýdi uıymdastyrý boıynsha der kezinde shara qoldanýǵa mindetti.
Sot sheshim shyǵarǵanda er adamnyń buǵan deıin de aýyr salmaqty kólikterdi paıdalanýǵa baılanysty buzýshylyqtar úshin birneshe ret ákimshilik jaýapkershilikke tartylǵanyn eskerdi. Nátıjesinde ol polısıa qyzmetkeriniń zańdy talabyna baǵynbaǵany úshin kináli dep tanylyp, 10 táýlikke ákimshilik qamaýǵa alyndy.
Sot qaýlysy áli zańdy kúshine engen joq.