Djeıms Bond rólin somdaǵan ırlandıalyq akter Pırs Brosnan atyshýly «007 agenti» franshızasynyń jańa nusqasynda kórermenge múldem tanys emes ártis oınaýy múmkin dep boljady. Bul týraly infohub.kz saıty habarlaıdy.
Brosnan kastıng týraly pikirin basty rólge úmitkerler jónindegi kóptegen qaýesetterge baılanysty aıtty. 73 jastaǵy akterdiń aıtýynsha, prodúserler kórermendi tańqaldyryp, ázirge eshkimge belgisiz oryndaýshyǵa toqtalýy ábden múmkin.
Brosnan bul oqıǵada ózi tek kórermen ekenin atap ótti: ol prosesti qyzyǵýshylyqpen baqylap, bolashaq muragerine sáttilik tiledi.
Jýrnalısermen áńgimede akter favorıtterdi ataýdan bas tartyp, jubaıynyń kópshilik aldynda boljam jasamaý týraly keńesin jeleý etti. Al áriptesi Tom Ellıs jeke áńgimede Brosnan ony arnaıy agent róline tamasha úmitker dep ataǵanyn aıtty. Ellıstiń ózi buǵan ázilmen qarap, jasyn eske saldy.
Stýdıa shpıondyq franshızanyń kelesi fılmin daıyndap jatqanda, joba tóńiregindegi qaýesetter óse túsýde. Pırs Brosnan 1995-2002 jyldary «Altyn kóz» jáne «Ól, biraq qazir emes» sıaqty tórt fılmde qupıa agent rólin oınady jáne osy róldiń eń tanymal oryndaýshylarynyń biri bolyp qala beredi.