Jaǵdaı 5 shildede Baǵdattaǵy «Ál-Nahıl» turǵyn úı kesheninde boldy. Plasıkalyq hırýrg Muhammad Ál-Akıdı burynǵy áıeliniń páterine kelip, oǵan qaınap turǵan maı quıyp tastady, dep habarlaıdy infohub.kz.
Zardap shekken — anestezıolog dáriger Fıroza. Ol denesiniń úlken bóliginde aýyr kúıik aldy jáne bir kózinen aıyryldy. Er adam oqıǵa ornynan birden ustaldy.
Áıeldiń jaǵdaıy týraly aqparat áli de qarama-qaıshy. Keıbir derekkózder onyń reanımasıada aýyr halde ekenin, al basqalary qaıtys bolǵanyn habarlaıdy. Bul málimetterdiń resmı rastaýy ázirge joq. Bılik sot-medısınalyq saraptama nátıjeleri keıinirek jarıalanatynyn málimdedi.
Oqıǵa keńinen narazylyq týdyrdy. Áleýmettik jelilerde zardap shekken áıeldi qoldaý heshtegi paıda bolyp, kúdiktige eń qatań jazany talap etýde.
Qoǵamnyń erekshe nazaryn zardap shegýshi de, kúdikti de tabysty mamandyq ıeleri — dárigerler ekeni aýdardy. Kópshilik mundaı jaǵdaılar úıdegi zorlyq-zombylyqtyń áleýmettik jaǵdaıǵa nemese mamandyqqa qaramaıtynyn kórsetetinin atap ótti.
Irak bıligi tergeý júrgizýde. Bul is eldegi úıdegi zorlyq-zombylyq máselesi men áıelder quqyǵyn qorǵaý jónindegi qoǵamdyq pikirtalasqa sebep boldy.