Portýgalıa fýtbol quramasynyń resmı paraqshalary áleýmettik jelilerde aýdıtorıasynyń kúrt azaıýyna tap boldy: janjal men Krıshtıaný Ronaldýdyń ulttyq komandadan ketýine baılanysty akkaýnttardan mıllıondaǵan adam jazylymnan bas tartty, dep habarlaıdy infohub.kz saıty.
Juldyzdy shabýyldaýshy ketken soń bir táýlik ishinde Instagram paraqshasy shamamen 9 mln oqyrmannan aıyryldy. Ronaldý ketpeı turyp, Portýgalıa quramasynyń resmı paraqshasyna 32,4 mln adam jazylǵan edi. Jappaı bas tartýlardan keıin oqyrman sany 23,5 mln-ǵa deıin tómendedi. Túrli platformalardaǵy jalpy shyǵyn ósýde.
Ronaldýdyń ketýine machtardy ótkizip jiberý jaǵdaıyna baılanysty jattyqtyrýshylar shtabymen kelispeýshilikter sebep boldy. Álemdegi jankúıerler oıynshynyń ketýine qatty reaksıa bildirdi, kóbisi qurama úshin emes, Ronaldý úshin jazylǵanyn ashyq moıyndady.
«Bul shaǵyn memlekettiń halqy sıaqty», «Men Ronaldýdy qoldaý úshin akkaýnttan bas tarttym. Uly oıynshyǵa, ańyzǵa osylaı bolmaıdy. Krısh joq bolsa, baqylaýdyń ne máni bar?», «Aldaýshynyń jaǵyndasyń ba? Ol óz elin, komandasyn tastap ketti, osyndaıǵa jankúıer bolý durys pa?», — dep jazady qoldanýshylar.
41 jastaǵy Krıshtıaný qurama úshin eń úlken rekordtarǵa ıe — 144 gol jáne 234 oıyn.
Buǵan deıin «Kýrsıv» Krıshtıaný Ronaldýdyń ÝEFA Ulttar lıgasynda Danıaǵa qarsy mach aldynda Portýgalıa ulttyq komandasynyń jattyǵý jıynynan ketkenin jazǵan. 41 jastaǵy shabýyldaýshy óz sheshimin Instagram-da habarlap, ketý sebepterin keıinirek túsindiretinin ýáde etti.