Astana turǵyny erekshe iri mólsherde esirtki kontrabandasy úshin 16 jyl bas bostandyǵynan aıyrýǵa sottaldy, dep habarlaıdy infohub.kz.
Polısıa málimetinshe, 32 jastaǵy er adam Taılandtan úsh halyqaralyq sálemdeme alǵan. Olardyń ishinde gashısh maıy (kannabıs syǵyndysy) bolǵan. Tárkilengen zattyń jalpy salmaǵy shamamen 2,9 kg quraǵan.
Tergeý barysynda kúdiktiniń ýaqytsha turatyn jerinen satýǵa daıyndalǵan esirtki, elektrondy tarazylar, oraý materıaldary, aqsha qarajaty jáne basqa da zattaı dáleldemeler tabyldy. Sot er adamdy erekshe iri mólsherde esirtki quraldaryn kontrabandalaǵany úshin kináli dep tanyp, 16 jyl bas bostandyǵynan aıyrý jazasyn taǵaıyndady.