Úkimet otyrysynda Qazaqstan Premer-mınıstri Oljas Bektenov İshki ister mınıstrliginiń basshysynan túnde jolda qatty shý shyǵaratyn júrgizýshilerge qarsy kúres qalaı júrgizilip jatqany týraly esep berýdi talap etti, dep habarlaıdy infohub.kz saıty.
«Ásirese túnde qatty shý shyǵaratyn avtomobıl jáne motosıkl júrgizýshilerimen qandaı jumys júrgizilip jatyr? Biz bul máseleni birneshe ret talqyladyq: qatań sharalar qoldaný qajet, óıtkeni olar túnde adamdardyń tynyshtyǵyn buzady», — dedi Premer-mınıstr Oljas Bektenov.
İshki ister mınıstri Erjan Sadenov polısıanyń táýlik boıy jumys istep jatqanyn aıtty. Onyń sózinshe, sıfrlyq sheshimder aıtarlyqtaı kómek kórsetýde — buzýshylar kameralar arqyly anyqtalady. Sonymen qatar, qoǵam da belsendilik tanytýda: azamattar 102 nómirine qońyraý shalyp, osyndaı oqıǵalar týraly habarlaıdy.
Mınıstr statısıka keltirdi: jyl basynan beri osyndaı 782 fakt tirkelgen. Barlyq buzýshylar ákimshilik jaýapkershilikke tartyldy, olardyń 55-i qamaýǵa alyndy. Sondaı-aq buzýshylardyń avtokólikteri men motosıklderi aıyppul turaǵyna qoıylady.
Premer-mınıstr baıandamaǵa jaýap retinde mundaı buzýshylardy «aıyppul salýdyń qajeti joq, olardy qamaýǵa alý kerek» dedi.