Qazaqstan Prezıdenti Qasym-Jomart Toqaev Qyrǵyz Respýblıkasyna jańadan taǵaıyndalǵan elshi Ábilqaıyr Sqaqovty qabyldady. Kezdesýde memleket basshysy baýyrlas Qyrǵyzstanmen dostyq, tatý kórshilik, strategıalyq seriktestik jáne odaqtastyq qarym-qatynastardy odan ári nyǵaıtýdyń mańyzdylyǵyn atap ótti, dep habarlaıdy Qazaqtoday.info saıty.
Prezıdent jańa elshige ekijaqty yntymaqtastyqtyń birneshe basym baǵyttary boıynsha tapsyrmalar berdi. Atap aıtqanda, kólik-tranzıt, energetıka, sý resýrstary, aýyl sharýashylyǵy jáne sıfrlandyrý salalaryndaǵy ózara is-qımyldy damytýǵa basa nazar aýdaryldy. Sonymen qatar mádenı-gýmanıtarlyq baılanystardy jandandyrý mindeti qoıyldy.