A24 stýdıasy Robert Pattınson basty róldi somdaǵan «Praım-taım» dramalyq trılleriniń alǵashqy treılerin usyndy, dep habarlaıdy infohub.kz.
Fılmniń álemdik tusaýkeseri 25 qyrkúıekke josparlanǵan.
Oqıǵa 2006 jyly, «Poımat hıshnıka» teleshoýy tanymaldyq shyńynda turǵan kezde órbıdi. Júrgizýshi Krıs Hansen túsirilim tobymen birge kámeletke tolmaǵandarmen kezdesýge áreket jasady dep kúdiktelgen adamdardy áshkereleý úshin arnaıy operasıalar júrgizdi.
Pattınson Hansenniń ózin oınady. Fılmde sondaı-aq Merrıtt Ýıver («Hodáchıe mertvesy»), Skaıler Gızondo («Znakomstvo s Fakeramı: Novaıa glava», «Shrek 5», «Noch v mýzee: Sekret grobnısy») jáne ánshi Fıbı Brıjers tústi.
Rejıseri — Lens Oppenhaım, al Pattınsonnyń ózi fılmniń prodúserleriniń biri boldy.
Shoýdyń ózi 2004-2007 jyldary amerıkandyq teledıdarda kórsetilip, úlken aýdıtorıa jınady. Alaıda keıin joba aınalasynda úlken janjal týdy. 2006 jyly kúdiktilerdiń biri, okrýgtik prokýrordyń kómekshisi Bıll Konradt polısıa operasıasy kezinde óz-ózine qol jumsady. Osydan keıin shoý jasaýshylarǵa qarsy sotqa shaǵym túsirilip, joba jaqyn arada jabyldy.
Buǵan deıin Kursiv LifeStyle Krıstofer Nolannyń «Odısseıa» fılmi ekinshi demalys kúnderinen keıin álemdik prokatta $639,6 mln jınaǵanyn jazǵan bolatyn. Árıne, qorytyndy jasaý áli erte, biraq ejelgi grek eposynyń ekranızasıasy 2026 jylǵy barlyq fılmder arasynda jınaǵan qarajat boıynsha jetinshi orynda tur.