Problemalyq nesıeler qory sotqa jeke ótinish bermeı-aq, qaryzdary ózine aýysqan boryshkerlerdiń shottarynan aqsha óndirip alý quqyǵyn aldy. Úmitsiz qaryzdardy qaıta qurylymdaýǵa nemese tolyq esepten shyǵarýǵa bolady, dep habarlaıdy infohub.kz saıty.
Qor problemalyq nesıelerdi Ulttyq bankten, bankterden jáne buryn bank retinde jumys istegen uıymdardan satyp alatyn bolady. Qaryz alýshynyń, kepil berýshiniń nemese kepilgerdiń nesıe berýshini aýystyrýǵa kelisimi talap etilmeıdi.
Jańa ókilettikter merzimi 90 kúnnen asatyn, qaryzy keminde úsh ret qaıta qurylymdalǵan nemese keıinge qaldyrý merzimi bir jyldan asatyn nesıelerge qatysty.
90 kúndik merzim ótkennen keıin qor kolektorlardy tarta alady jáne bankke tólem talabyn jibere alady. Shottan negizgi boryshty, syıaqylardy, komısıalardy, aıyppuldardy jáne ósimpuldardy óndirip alýǵa ruqsat etiledi.
Bir mezgilde boryshkerge keıinge qaldyrý nemese bólip tóleý, jeńildikti kezeń, ıkemdi tólem kestesi, sondaı-aq qaryzdyń, syıaqylardyń nemese aıyppuldardyń bir bóligin joıý usynylýy múmkin.
Qaryzdy tolyq esepten shyǵarý barlyq óndirip alý tásilderi taýsylǵannan keıin ǵana ruqsat etiledi. Negizge boryshkerdiń bankrottyǵy, atqarýshylyq is júrgizýdi toqtatý, muragersiz qaıtys bolýy nemese sot sheshimi alynýy múmkin.
Qaýlynyń mátinimen normatıvtik quqyqtyq aktiler portalynda tanysýǵa bolady. Jańa erejeler 2026 jylǵy 20 shildeden bastap kúshine enedi.
Buǵan deıin qordyń burynǵy basshysy ókilettikterin asyra paıdalandy degen is boıynsha ustalǵan bolatyn; memleketke keltirilgen zalal 11,4 mlrd teńgege baǵalandy.