Maqsaty: Adamnyń tulǵalyq tıpin tez arada anyqtaýǵa.
Kúndelikti jaǵdaıdaǵy minez - qulyqty anyqtaýǵa.

Sýrette beınelengen 5 fıgýraǵa qarańyz: úshburysh, tik tórtburysh, sharshy, sheńber, ırek. Osylardyń ishinen – «Men» degizetindeı bireýin tańdańyz. Egerde tańdaý qıyn bolsa, sizge birinshi bolyp qaraǵan, kózińizge birinshi ilikken formany alyńyz. Qalǵan fıgýralardy qalaýyńyzsha nómirlik retimen belgileńiz. Sonymen, sizdiń birinshi dep belgilegen fıgýrańyz - Sizdiń negizgi fıgýrańyz. Al qalǵandary sizdiń minezińizge qosymsha ár beretin bólshekter. Al sońǵy fıgýra sizdiń qarym - qatynas jasaýda qıynshylyq kóretin adamnyń formasy.
1) Sharshy: Qaıratker, eńbekshil. Onyń ómir súrý ortasy ózindik «menine» úılesimdi.
Jaǵymdy jaqtary: uıymshyl, dál, qatań tártipti, erejeni ustaný, usaq zattarǵa zeıindilik, dálelge júginý, jazba sóıleýge qushtarlyq, uqyptylyq, tazalyq, saqtyq, únemshildik, turaqtylyq, talapshyl, sheshiminen qaıtpaý.
Jaǵymsyz jaqtary: óte usaqshyl, óte saq, eregespe, sarańdaý, tanystary men dostary az.

2) Úshburysh: Bul lıderliktiń sımvoly, maqsatyna baǵyttaý, degenine jetý.
Jaǵymdy jaqtary: lıder, bılikke umtylys, qaıtken kúnde jeńiske jetý, ózine degen senimdilik, sheshimge tez kele alý, sezimtaldyq, batyldyq, óte belsendilik, joǵary eńbekqorlyq, tapqyrlyq, qarym - qatynasta kópshil.
Jaǵymsyz jaqtary: eń senimdi dostary men jaqyndary az, ataq - dańqqa baǵyttylyq, shydamsyzdyq, óziniń maqsatyna jetkenshe basqaǵa kóńil aýdarmaý, óz degeninen qaıtpaý, óz degenine jetýde nege de bara alady, ózimshil.

3) Tórtburysh: Ótpeli qalyptyń sımvoly. Ózgerý, basqa deńgeıge ený, ýaqytsha jaǵdaı. Ózin - ózi túsine bermeý, problemadan qorqý.
Jaǵymdy jaǵy: bilýge qushtarlyq, barlyq jańaǵa jany qumar, batyl, beıbitshil, daý - damaıdan qashqaqtaıdy.
Jaǵymsyz jaqtary: ózin tómen baǵalaý, ózgermelilik, turaqsyzdyq, pikirin jıi ózgertkishtik, sózine senbeý, ańqaýlyq, umytshaqtyq, zattaryn joǵaltýǵa beıimdiligi.

4) Sheńber: Mıfologıalyq turǵydan úılesimdilik (garmonıa) sımvoly.
Qundy qasıetteri: adamdar, olardyń jaıy, jaqsy qarym - qatynas ornatý, qarym - qatynasty qajetsinýi óte joǵary, «jelim» - otbasyn, ujymdy biriktirgish, ashyq, ózgelerge qamqorshy, qoly ashyq - myrza, sengishtik, qoǵamdyq jumysqa beıimdilik, tanystary men dostary kóp.
Jaǵymsyz jaǵy: kóbine ózin kináli sezinýshilik, aınaladaǵylardyń pikirine baǵyttalý, sheshimge kele almaýshylyq, áserlengish, sezimtal.

5) Irek: Shyǵarmashylyq sımvoly. Ózi de basqa fıgýralar sekildi jabyq emes, erekshe formada.
Jaǵymdy jaǵy: oıshyl, ózgeden erekshe, sheshim qabyldaý, ortanyń súıiktisi, tapqyr, ózgeristerdi qajetsinýi, bilim qumarlyq, joǵary ıntýısıa, óziniń ıdeıalarymen qanattanýy, armanshyl, bolashaqqa baǵyttalý, qıalshyl.
Jaǵymsyz jaqtary: kóńil - kúıiniń ózgermeliligi, mineziniń qubylmalylyǵy, shyndyqty betke aıta salý, dara jumys isteýdi unatýy, qaǵaz - bastylyqty unatpaýy, qarjy jaǵynan salaqtyq.