Reseı Prezıdenti Vladımır Pýtın Reseıde mobılızasıa qajet emestigin taǵy da málimdep, ýkraın áskerinde dezertırler sany kóp ekenin aıtty, dep habarlaıdy infohub.kz saıty.
Shyǵys ekonomıkalyq forýmynyń (SHEF) plenarlyq otyrysynda sóılegen Pýtın qazirgi ýaqytta mobılızasıa júrgizýdi talap etetin senarı joq ekenin atap ótti. «Búgingi tańda mobılızasıany qajet etetin senarı joq. Bul — Memlekettik Dýma saılaýy qarsańynda nátıjelerge áser etý maqsatynda jasalyp jatqan qarsylastyń aqparattyq shabýyly. Bul jaı ǵana oılastyrylǵan aqparattyq operasıa», — dedi ol.
Reseı kóshbasshysy Reseıde áskerı qyzmetshiler kelisimshart jasasyp, erikti túrde qyzmetke túsetinin atap ótti. Sonymen qatar ol Ýkraınada, Reseıden aıyrmashylyǵy, adamdardy «májbúrlep maıdanǵa jiberetinin», sondyqtan onda «dezertırler sany kóp ekenin» qosty. «Áskerı qyzmetshilerdiń bolýy turǵysynan bizde eshqandaı problema joq», — dep atap ótti Pýtın.
Eske salaıyq, buǵan deıin Vladımır Pýtın Memlekettik Dýma saılaýynan keıin mobılızasıanyń jańa tolqyny bolýy múmkin degen qaýesetterdi joqqa shyǵarǵan bolatyn.