Qyzylorda oblysy, Qazaly aýdany,
Bekarystan bı aýyly, № 24 orta mektep.
Bastaýysh synyp muǵalimi: Shamýratova Kýralaı

Sabaqtyń maqsaty; mindeti; Oqýshylarǵa qaǵazdan gúl shoǵyn daıyndaý ádisin úıretý.
Estetıkalyq oılaý, kózben kórý qabiletin, qol sheberlikterin jáne jumys oryndy durys uıymdastyrýdy damytý.
Sabaqtyń túri: Jańa sabaq.
Sabaqtyń kórnekiligi: Interaktıvti taqta, daıyn gúl shoǵy.
Sabaqty qajetti qural jabdyqtar: gıps, qatyrma qaǵaz, qaıshy, jip, sym, boıaý, qylqalam.

Sabaqtyń jospary:
1. Uıymdastyrý kezeńi.
2. Oı shaqyrý.
3. Maǵynany taný.
4. Teorıa bólimi.
5. Saramandyq jumys.
6. Sergitý sáti.
7. Baǵalaý.
8. Qorytyndy
9. Úıge tapsyrma

Sabaqtyń barysy:
İ. Uıymdastyrý kezeńi:
- Sálemetsizder me, balalar!
- Sabaq bastaýǵa daıynsyzdar ma?
- Quraldaryń jınaýly ma?
- Kórshiń durys otyr ma?
- Bári meni muqıat tyńdaısyńdar ma?
- Búgingi bizdiń óte erekshe sabaqtyń kómekshileri ózderińe tanys gúlder. Ia biz bul gúldermen tanyspyz. Olar búgin bizge qonaqqa keldi (gúlderdiń sýretin kórsetý).

İİ. Oı shaqyrý, jumbaq jasyrý.

İİİ. Maǵynany taný.
Endeshe, búgin biz qaǵazdan «Kóktiken» gúlin jasaımyz. Oqýlyǵymyzdyń 35-shi betin ashamyz. Balalar, gúlder ejelden sándik qyzmet atqarǵan. Gúlderdi ár túrli ádispen jasaıdy. Al, mereke, týǵan kún keshterine gúl syılaý qalyptasqan dástúrimiz. Gúl jasaǵanda bizge shydamdylyqpen sheberlik kerek.

İV. Teorıa bólimi.
V. Saramandyq jumys.
Qaýipsizdik tehnıkasyn saqtaıyq.
1. Qaýipsizdik tehnıkasyn saqtaı bil.
2. Qaıshyny qasyńdaǵy oqýshyǵaa silteme.
3. Qaıshyny ashyq tastama.
4. Sabaq sońynda jumys ornyn jınaý.

Al, qazir biz mynadaı gúl jasaımyz. (daıyn gúl shoǵyn kórsetý) Ol úshin: kók, jasyl tústi qatyrma qaǵaz, qaıshy, gıps, sym, akvarel nemese gýash, qylqalam qajet.
- Jumys orny daıyn ba?
- «Kóktiken» gúli bes bólikten turady.
1.- Gúl kúltesi.
2 - gúl uryǵy.(atalyǵy)
3 - sabaǵy.
4 - japyraǵy.
5 - gúl.
Kóktiken gúlin daıyndaýdyń reti:
1. Kók qaǵazdan birdeı etip úsh dóńgelek qıyp alamyz.
2. Dóńgelekterdi sýrettegideı etip árleımiz.
3. Ósimdiktiń atalyǵyn jińishke sym temirden jasaımyz.
4. Atalyq tabıǵı túrge uqsas bolý úshin ony suıyq gıps eritindisine salamyz.
5. Sodan keıin barlyq úsh dóńgelekti gúl sabaǵynyń tómengi ushy jaǵynan kıgizemiz.
6. Sabaqty juqa jasyl tústi qaǵazben oraımyz.
7. Japyraq sabaqqa jińishke symmen bekitiledi.
Mine, daıyn bolǵan «Kóktiken» gúliniń úlgisi. Kórsetilgen ret boıynsha muǵalimmen birge qaıtalap jasaý. Jasap bolǵan soń muǵalim bergen qaǵazǵa qasyndaǵy kórshisine 1-2 sózden tilek jazý.
Vİ. Sergitý sáti
Vİİ. Baǵalaý
Oqýshylardyń jumysy synypqa kórsetilip baǵalanady. Madaqtap, eskertýler aıtylady. Sodan soń tilegi oqylyp taqtaǵa ilinedi.

Vİİİ. Qorytyndy
Taıaqshany bir - birine berý arqyly sabaqtan neni meńgergenin aıtady.
İH. Úıge tapsyrma.
Gúl týraly málimet jazý. Ákeletin qural; qatyrma qaǵaz, flomaster, jelim, sym.