QAIYRYMDYLYQ QORLARY BAQ ARQYLY ESEP BERÝGE MİNDETTELEDİ
Endi Qazaqstandaǵy barlyq qaıyrymdylyq uıymdary buqaralyq aqparat quraldary arqyly jurtshylyqqa esep berýge mindetteledi. Bul týraly Úkimettegi brıfıńte Mádenıet jáne aqparat vıse-mınıstri Qanat Ysqaqov málimdedi.
Onyń aıtýynsha, qazirgi ýaqytta qaıyrymdylyq salasyndaǵy zańnamaǵa ózgerister ázirlenip jatyr. Jańa túzetýler eki negizgi baǵytty qamtıdy:
🔹 Qaıyrymdylyqqa yntalandyrý – azamattardyń qaıyrymdylyq kómek kórsetýin qoldaý jáne arttyrý;
🔹 Ashyqtyq pen eseptilik – barlyq qaıyrymdylyq qorlary óz qyzmeti týraly esepterin BAQ-ta jarıalap otyrýǵa mindetti bolady.
Bul bastama azamattardyń senimin arttyrý jáne qaıyrymdylyq salasyndaǵy qarjynyń ashyq ári ádil jumsalýyn qamtamasyz etýge baǵyttalǵan.