Júırik qıal dúnıeni kezdirip,
Týǵan el men ósken jerden bezdirip,
Qıyn qıǵash qıalarǵa jetektep,
Syryn aıtpaı, jóni qalaı sezdirip.
Ere berdim, men artynan bir eser,
Qarsy kelip erkim bar ma tireser?
Jel aıdaǵan turaǵy joq qańbaqtaı,
Aǵyńymdy dedim-daǵy saı keser.
Saı ornyna dýshar boldy teren, jar,
Mezgil jetpeı shyǵý qıyn, ózi tar.
Dostyń sany nolge qalyp azaıdy,
Boı balqytyp kimdi eriter shaqqan zar.
Kóp qulaǵy maqtamenen tyǵýly,
Qasqyr qýyp úrikken qoıdaı yǵýly.
Qubyjyq bar dese, qoryqqan baladaı,
Sý júrek bop sorly qazaq buǵýly.
Jalyny ystyq jas ǵumyrym shydatpaı,
Teris isti pák ujdanym unatpaı.
Toqtaı almaı basym tasqa jetkenshe,
Qarsy shaýyp qaıralǵan ótkir bolattaı.
Jaýdyń betin qajyp turmyz bura almaı,
Burmaq túgil, shydap qarsy tura almaı.
Kúnniń kózin qara bult jasyryp,
Kúlimsirep nuryn shashyp shyǵa almaı.

---