Qalqam-aı, men úndemeı júremin kóp,
Oılama otsyz, oısyz, sýyq jan dep.
Júrektegi jalyndy kózden jas qyp,
Aǵyzǵanym bolady ol nege sep?

Anturǵan el kózine tik qaraımyn,
Sonymdy sen sógedi-aý dep oılaımyn.
Júregimdi keskilep satyp júrgen
Arsyzdardy dosym dep nege aıaımyn?

İshimde qaıǵym qalyń, kóz jasym kem,
Adam joq, kimdi dos dep men shaǵýshy em?
Áıel adam gúlmen teń, dymdy súımek,
Kózinen jasy shyqsa, boıyna em.

Kóńilińe daıyn tur ǵoı jaıym meniń,
Dushpandyǵyń qataıǵan shyǵar seniń.
Eger meniń ishimdi jaryp kórseń,
Jylaýyńdy umytyp, shoshyr ediń.

---