Synyby — 1
Sabaqtyń taqyryby: Qamqor bolyp ósemin.
Maqsaty: «Qamqorlyq» uǵymyn túsindirý, súıispenshilikti, qaıyrymdylyqty, meıirimdilikti sezindire bilý. adamdarǵa, tabıǵatqa, jan - janýarlarǵa qamqorlyq jasaýǵa tárbıeleý.
Ádisteri: sýret boıynsha áńgimeleý, óleńder oqý, oıyn - tapsyrmalardy toppen áńgimeleý, shyǵarmashylyq jumys, «tynyshtyq mezeti».
Qosymsha quraldar: beınetaspa

Sabaqtyń barysy:
Shattyq sheńberi: qamqorlyq týraly óleńdi qaıtalaımyz:
Meıirimdi júrekpen
Bólisemin baqytty.
Aq nıetpen shyn tilep
İzgi isterdi jaqutty!
Beınetaspadan mektep oqýshylarynyń qustarǵa jasap jatqan qamqorlyǵyn kórsetý. (qustarǵa uıa jasaý, jemsalǵysh jasap talǵa ilip qoıý,...)
Kórsetilip bolǵan soń balalarmen oqýlyqtaǵy «Balapan men mysyq» taqyrybyndaǵy mátinmen jumys. Beıne taspadan kórgenderi men mátinnen oqyǵandaryn baılanystyra otyryp, suraqtarǵa jaýap berý:
• Qazir biz tabıǵatqa qandaı qamqorlyq jasaımyz?
• Jan - janýarlarǵa janashyrlyqpen qaraımyz ba?
• Úı janýarlaryna qandaı qamqorlyq jasaımyz?
«Qarlyǵashtyń quıryǵy nege aıyr?» degen ertegini nemese múltfılmdi kórgenderiń bar ma? – dep suraımyn. Olar ertegini aıtyp beredi. Sodan keıin suraqtarǵa jaýap beremiz.
• Ana qarlyǵashqa qandaı qamqorlyq kórsetti?
• Qarlyǵash qandaı qaıyrymdylyq jasady?
Jańa aqparat
Aqparatta «Adamnyń jaqsy qasıeti ózgelerge qamqorlyq jasaı bilýinen kórinedi» dep aıtylǵan. Oqýshylar aqparatpen tanysyp, óz oılaryn qosyp aıtady.

Sergitý:
«Qandaı qasıet qajet?» oıynyn oınaý. Adamdarǵa, janýarlarǵa qamqorlyq jasaý úshin qandaı qasıetter (sezimder) kerek? Túrli - tústi kespe qaǵazdarǵa jazylǵan sózderdi kóteremin durys bolsa oqýshylar oń qoldaryn kóteredi, burys bolsa sol qoldaryn kóteredi. Mysaly: batyrlyq, mahabbat, adamgershilik, aıaýshylyq, qýanysh, jaýapkershilik, uqyptylyq, ádeptilik, uıat, ar, izet, eńbekqorlyq, qaıyrymdylyq... t. b
Nazar aýdaryńdar: Alpamys pen Mahabbattyń aqyl sózderin oqyp berem. Balalar maǵynasyn uǵyp, esterinde saqtaıdy.

Qorytyndy:
Biz búgingi sabaqta adamdardyń adamǵa, jan - janýarlarǵa, tabıǵatqa jaqsylyq jasaýy týraly jáne qamqorlyqty rıasyz jasaý kerek ekenin túsindik.- dep qorytyndylaımyn.
Júrekten – júrekke:
Balalardy sheńberge turǵyzyp myna óleń joldaryn qaıtalaımyz —
Kún nuryndaı kóńilim,
Dalamdaı keń peıilim.
Júregim toly meıirim,
Bárine ortaq shýaǵym,
Qaıyrymdy balamyn.