Sı­pa­tyn kór, to­syp al da,

Ja­pa­laq­tap jaýsa qar.

Ta­za tek­ser, kóz­di sal da,

Qan­daı onyń tú­ri bar?

                                 Shákárim

 

«Qazaq tiliniń túsindirme sózdiginde» qar týraly qysqa ǵana túsinik beriledi:

«Qar — qysta jaýatyn, aq tústi krıstaldardan turatyn atmosferalyq jaýyn-shashyn».

Al áýelden jazda jaılaýy qulpyrǵan, qysta qalyń qar basqan dalamen etene ósken qazaq bul ataýǵa talaı qosymshalar tirkegen. Solardyń birqataryna nazar aýdaraıyq.

Aqsha qar — jańa jaýǵan taza qar.

Alaqanat qar — bir aýmaqqa jaýyp, bir aýmaqqa jaýmaı, jerge ala túsken qar.

Anjyr — qardyń erip qatýy. Qarǵynǵa aralas qatqan qarly muz.

Boz qyraý — kúzgi kúni tońazýdan bolatyn shyq.

Japalaq qar — iri túıirshikti japyraqtap jaýǵan qar.

Jylbysqy qar — erı jaýǵan qar.

Kóbik qar — jerge túskende astyńǵy qabaty erı berip, beti kópirshigen jumsaq qar.

Kúpsek qar — qalyń jaýǵan ulpa qar.

Kúrtik qar — beti qatqan, jaıaý júrgende aqsaq oıylatyn qalyń qar.

Qasat qar — uzaq jatqan qalyń qar.

Qıyrshyq qar — jentektelgen túıirshik qar.

Qylaý — aýadaǵy sý býynan nemese salqyn tuman tamshylarynan túrli zat betine, aǵash butaqtaryna qonatyn muz qabaty.

Qyraý — sýyq kúzde tońazyǵan dymqyl aýanyń bir nársege qar tárizdi aǵaryp qonǵan túri.

Qyrbyq qar — juqa jaýǵan qar.

Muzdaq qar — ústin muz torlaǵan, kókshil tústi, beti jyltyr syrǵanaq qar.

Omby qar — at baýyrlaıtyn qalyń qar.

Sonar qar — alǵash jaýǵan qalyń qar.

Súri qar — erte túsip, erimeı, qys boıy qalyńdaǵan, tozań topyraq sińip, beti kúlgin tartqan nyǵyz qar.

Sireý qar — uzaq mezgil myzǵymaı jatqan aıaq bastyrmas, kólik júrisine bógeý qatty qalyń qar.

Ulpa qar — túıirshikteri úlbiregen jeńil úlpek qar.

Úıme qar — borandy jel syrǵytyp, bir jerge taý-tóbe bolyp úıilgen qar.

Úrme qar — jel úrlep, jıyntyqtanǵan tyǵyz qar.

Al endi bizge aq mamyq bop kórinetin qar ushqyndarynnyń qaıtalanbas pishinderine jaqynnan nazar aýdaryp kóreıik.

© Alekseı Klátov

 

© Alekseı Klátov

 

© Alekseı Klátov

 

© Andreı Osokın

 

© Alekseı Klátov

 

© Alekseı Klátov

 

© Andreı Osokın

 

© Alekseı Klátov

 

© Andreı Osokın

 

© Alekseı Klátov

 

© Andreı Osokın

 

© Alekseı Klátov

 

© Alekseı Klátov

 

© Andreı Osokın

 

© Alekseı Klátov