Qazaq tili 8 - synyp
Sabaqtyń taqyryby: Qaratpa sózder. Qystyrma sózder.
Sabaqtyń maqsaty:
Bilimdilik: Oqshaý sózder, olardyń túrlerin túsindire otyryp, qaratpa jáne qystyrma sózderdi sóılemnen ajyratýǵa úıretý;
Damytýshylyq: Túrli ádisterdi paıdalana otyryp balalardy tapqyrlyq, jyldamdyq, este saqtaý qabiletterin arttyrý, sóıleý tilin jetildirip, sheshendik ónerge baýlý;
Tárbıelik: Sabaq barysynda oqýshylardy saýattylyqqa tárbıeleý;
Sabaqtyń túri: aralas sabaq.
Sabaqtyń ádisi: suraq - jaýap, til damytý, izdendirý
Sabaqtyń kórnekiligi: plakat, kespe qaǵazdar, qosymsha materıaldar, slaıd, baǵalaý jetondary
Pánaralyq baılanys: ádebıet, orys tili

Sabaqtyń barysy:
İ. Uıymdastyrý kezeńi:
Oqýshylarmen amandasý, túgendeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.
İİ. Úı tapsyrmasyn pysyqtaý:
Úıge berilgen tapsyrmany suraımyn. Oqýshylarǵa ótken sabaqty qalaı meńgergenin baıqaý úshin birneshe suraqtar qoıamyn

İİİ. Jańa sabaqty túsindirý.
Qaratpa sózder. Sóıleýshi tyńdaýshynyń nazaryn ózine aýdarý úshin qaratpa sózderdi qoldanady. Meniń oılaǵan oıymnyń ústinen tústiń, Botagóz. Osyndaǵy qaratpa sóz – Botagóz. Sózdiń Botagózge arnalǵanyn bildiredi.
Keıde qaratpa sóz jansyz zattar da bolyp keledi, bul, kóbinese kórkem ádebıette kezdesedi. Mysaly, Jambyldyń óleńge, dalaǵa qaratyp aıtqany.
Qaratpa sóz sóılemniń basynda, ortasynda, sońynda kele beredi. Qaratpa sóz sóılem múshelerinen útir arqyly ajyratylady.

Qystyrma sózder. Ózi qatysqan sózderge qystyrmalar sóıleýshiniń kózqarasyn – kúmándylyqty, senetindikti, ókinishti, renishti, sondaı - aq, oıdyń kimniń tarapynan ekendigin – bildirý úshin qoldanylady.
Mysaly: Báse, solaı bolady dep aıtyp edim ǵoı. Ol, menińshe, tapsyrmany oryndamaı kelmeıdi. Birinshi sóılemde báse sózi sóıleýshiniń rızalyǵyn, ekinshi sóılemde menińshe boljamdy maǵynany bildiredi.
Qystyrma retinde jumsalatyn sózder: árıne, sóz joq, shynynda, múmkin, sirá, sonymen, sóıtip, birinshiden, t. b.
Sóz tirkesteri de, keıde jeke sóılem de qystyrma bolady. Mysaly: Aıaz qaryǵandyqtan bolý kerek, barlyǵynyń bet terileri qatparlanyp, qopsyp túsip júredi.
Qystyrma sózder de sóılemniń basynda, ortasynda, aıaǵynda kele beredi. Olar basqa sóılem múshelerinen útirmen ajyratylady.

Jattyǵýmen jumys: Qaratpa, qystyrma sózderge ózderiń biletin aqyn, jazýshy shyǵarmalarynan úzindi keltirińder.

Taqtamen jumys: Taqtaǵa birneshe sóılemderge sıntaksıstik, morfologıalyq taldaý júrgizedi.

Bilimdi bekitý: Ótilgen taqyrypqa baılanysty birneshe suraqtar qoıamyn. Túsinbegen suraqtaryna jaýap beremin.
1. Oqshaý sózder degenimiz ne?
2. Oqshaý sózder neshege bólinedi?
3. Oqshaý sózderge qandaı tynys belgileri qoıylady?
4. Qaratpa sóz degenimiz ne?
5. Qystyrma sózderge mysal keltir

Baǵalaý: Úı tapsyrmasyn oryndap kelgenine jáne jańa sabaqqa yntaly qatysyp otyrǵandaryn baǵalaımyn.
Úıge tapsyrma: Oqshaý sózderdi qatystyryp birneshe sóılemder jazyp kelý.