Qyzylorda oblysy,
Qazaly aýdany, Qazaly aýyly,
№9 Balaýsa balabaqshasynyń tárbıeshisi
Alpysbaeva Kúmiskúl Ábdiǵanıqyzy
Mektepaldy daıarlyq toby

Tárbıe saǵatynyń taqyryby: Qarttar aman bolsyn!
Maqsaty: Balalarǵa jalpy qarttar týraly túsinik berý. Túsindire otyryp oı - óristerin keńeıtý.
Ádisi: Túsindirý, kórsetý, áńgimeleý.
Kórnekiligi: Qarttardyń sýreti
Sabaq barysy:
İ. Uıymdastyrý kezeńi
Balalardyń nazaryn sabaqqa aýdarý jańa sabaqpen tanystyrý.
İİ. Negizgi bólim
- Balalar qarttar dep otyrǵanymyz úıimizdegi ata, ájelerimiz. Bárimiz ata - ájelerimizdi jaqsy kóremiz be?
- Ata, ájelerdi syılaý kerek, kómektesý kerek, jolda kele jatqanda jol berý kerek.
- Endi balalar senderge men «Kishipeıildilik – kishilik belgisi » degen áńgime oqyp bereıin.
Áńgimeniń keıipkerleri - ájeı men onyń nemeresi jáne avtobýstaǵy bala áńgimeden biz avtobýstyń ishi lyq toly adamdardyń bolǵanyn jáne bos orynnyń joqtyǵyn bildik.

Sol kezde bir balanyń ájeıge óz ornyn usynǵany – sol balanyń jaqsy tárbıesiniń kórsetkishi boldy. Kishipeıil adam adamgershiligi mol meıirban bolady, kisige qol ushyn berip, járdemdesýge ázir turady. Kishipeıildilik kóp qoshemet tutatyn asyl qasıet bolyp tabylady. Sol úshin halyq : «Kishipeıildilik kishilik emes, kisilik», - dep onyń mánin óte durys aıtyp jetkizgen.

- Balalar áńgimeni túsindik ǵoı. Sonda ata, ájelerge avtobýsta bolsyn kóshede bolsyn oryn berip, jol berip júrý kerek. Ata , ájelerdi syılaý kerek. Endi atamyzǵa, ájemizge arnap taqpaqtarymyzdy aıtyp bereıik.
1-tárbıelenýshi
Ata - úlken, kárimiz,
Qýat berer dárimiz,
Áýlıedeı aıalap,
Ardaqtaımyz bárimiz.

2- tárbıelenýshi
Qarttar júrsin ortada,
Ótkendi kórgen shejire,
Aman - saý júrsin árqashan,
Syılaǵan baqyt bizderge

3- tárbıelenýshi
Ájetaıym , tiregim
Keýdemde soqqan júregim.
Shattansam shyǵyp qıaǵa,
Qınalsam sen de júdediń.

4- tárbıelenýshi
Ájetaıym , ardaǵym.
Boryshty óteý armanym.
Umytylmas men úshin
Uıqydan talaı qalǵanyń