İshki ister vıse-mınıstri Igor Lepeha úkimettegi brıfıńte 13 tamyzdaǵy aqaýlyq kezinde júrgizýshilerge avtomatty túrde jazylǵan aıyppuldardyń taǵdyry týraly suraqqa jaýap berdi, dep habarlaıdy infohub.kz saıty.
Jýrnalıser qazaqstandyqtardyń avtomatty tirkeý kameralary jazyp bergen negizsiz aıyppuldarǵa birneshe ret shaǵymdanǵanyn atap ótti.
«Ondaı jaǵdaı boldy, ras. Biraq bul jappaı emes, jekelegen oqıǵalar edi. Kameralar sany artyp, nusqamalar kóbeıip jatyr, al ákimshilik polısıa qyzmetkerleriniń shtaty óspeıdi. Biz Bas prokýratýranyń quqyqtyq statısıka komıtetimen birlesip, avtomatty qol qoıý rejımine kóshtik. Iaǵnı, buryn nusqama bylaı jasalatyn: qyzmetkerge foto kelip, ol nusqamany qarap, sodan keıin ǵana qol qoıyp jiberetin. Al qazir bári avtomatty túrde jasalady. Qazir nusqama JQE buzǵan kólik ıesine birden jiberiledi», — dedi Lepeha.
Onyń aıtýynsha, jańa nysan 13 tamyzda iske qosylǵan.
«Alǵashqy kúni shynymen de aqaýlyqtar tirkeldi. Olar Almaty jáne Jambyl oblystarynda baıqaldy. Qarap, anyqtadyq: nusqamada ortasha jyldamdyq emes, lezdik jyldamdyq kórsetilgen. Iaǵnı, nusqamada belgili bir arkalar kórsetilse, munda sol arkada jyldamdyqty buzdy dep jazylǵan. Ár júrgizýshimen jeke jumys istep jatyrmyz. Eger nusqama shynymen buzýshylyqpen rásimdelse, aqsha (búginge deıin tólengen aıyppul — red. esk.) búdjetten qaıtarylady», — dep túsindirdi vıse-mınıstr.
Eske salaıyq, tamyzda Qazaqstanda tas joldarda jyldamdyq úshin qate rásimdelgen aıyppuldar anyqtalǵan. İshki ister mınıstrliginde olardyń avtomatty túrde joıylatynyn, al aqshany qaıtarý tetigi ázirlenip jatqanyn málimdedi.