Qazaǵym, taıandy ǵoı qylta moıyn,
Jer, mal ketip, bos qaldy bizdiń qoıyn.
Qarashy ózińe óziń kóz júgirtip,
Jaraspas budan bylaı kúlki-oıyn.
Jetti endi qam jer mezgil, jatpa beker,
Oılamaý keleshekti túpke jeter.
Nadandyq qorshap alǵan tus-tus jaqtan,
Jan qorqyp, dene titirep, esiń keter.
Tastalyq bolystyqqa talasýdy,
Talasyp, jaman kezben qarasýdy.
Myń-myńnyń tógilýi jeter endi,
İzdelik aqqan bulaq - qara sýdy.
Bar jerdi kúnnen-kúnge alyp jatyr,
Hoholdar alyp qala salyp jatyr.
Qyrylysyp ózdi-ózimen qazaq sorly,
Jerinen aýzyn ashyp qalyp jatyr.
Kel, qazaq, qoldaǵydan qur qalmaıyq,
Otyraıyq jıylyp, ondalaıyq.
Myń jylǵy etken qýam dep ata zańdy,
Ónerden kesh qalarmyz, oılanaıyq.
Jer qalar, biz jıylyp qala salsaq ,
Qaıdaǵy ońdy jerdi tańdap alsaq ,
«Aýyl bolsań - qoǵam bol» degen sózden
- Bultarmaı, erteńdi-kesh júrip barsaq.
Sol shaqta kóp túkirip - kól de bolar,
Kólde tolqyn aıdaýshy jel de bolar.
Mektep, medreseler kóp salynyp,
Aǵaıyn, tatý-tátti el de bolar.
Jıylmaı ónerge aıaq basa almaspyz,
Nyq sińgen nadandyqtan qasha almaspyz.
«Zaman túlki bolǵanda, tazy bolmaı»
Bıik qyrdan aldaǵy asa almaspyz!

---