Qazaqstan azamattyǵyn alýǵa qoıylatyn talaptar ózgerdi,-dep habarlaıdy Infohab
Qazaqstan azamattyǵyn alý emtıhanyna qatysty jańa ereje kúshine endi. Ǵylym jáne joǵary bilim mınıstrliginiń buıryǵyna sáıkes, talapkerlerge qoıylatyn baldyq júıe qaıta qaraldy.
Jańa talaptar mynadaı:
Memlekettik tildi (qazaq tilin) qarapaıym deńgeıde bilýi — keminde 15 bal (buryn 36 bal edi);
Qazaqstan Respýblıkasynyń Konstıtýsıasy negizderin bilýi — keminde 20 bal (buryn 9 bal bolatyn);
Qazaqstan tarıhy boıynsha talap ózgerissiz qaldy — 15 bal.
Bul ózgerister 2025 jylǵy 26 tamyzdan bastap resmı túrde qoldanysqa engizildi.
Mınıstrlik bul qadamdy azamattyq alýǵa ótinish berýshilerdiń bilimin ádil baǵalaý jáne til meńgerý deńgeıin naqtylaý maqsatynda jasalǵanyn atap ótti.