2026 jylǵy 1 tamyzdaǵy jaǵdaı boıynsha Qazaqstan halqynyń sany 20 604 819 adamǵa jetti. Jyl basynan beri ósim shamamen 105 myń adamdy qurady, dep habarlaıdy infohub.kz.
Ulttyq statısıka búrosynyń málimetinshe, jyl basynda respýblıkada 20 499 822 adam turǵan. Osylaısha, jeti aı ishindegi jalpy ósim 104 997 adamdy qurady.
Vedomstvo derekteri boıynsha, tamyz basynda elde 10 531 747 áıel jáne 10 073 072 er adam bolǵan.
Jalpy turǵyndardyń 13,2 mıllıonnan astamy qalalarda turady. Ótken aılarda qala halqy 126 649 adamǵa ósti. Al aýyldyq jerlerde 21 652 adamǵa qysqarǵan — tamyzda aýyldarda shamamen 7,4 mıllıon adam turdy.
Sondaı-aq eldegi eń kóp halqy bar aımaqtar týraly derekter jarıalandy. Kóshbasshy — 2,3 mıllıon halqy bar Almaty. Odan keıin Túrkistan oblysy (2,1 mıllıon), Astana (1,6 mıllıon), Almaty oblysy (1,6 mıllıon) jáne Shymkent (1,3 mıllıon) tur.