Japonıada ótip jatqan jazǵy Azıa oıyndarynda erler arasyndaǵy oq atýdan Qazaqstan quramasy komandalyq esepte úzdik tórttikke kire almaı, besinshi orynda qaldy. Bul týraly infohub.kz saıty habarlaıdy.
«Kishi kalıbrli vıntovkamen 50 metr qashyqtyqtan úsh qalyptan atý» jattyǵýynda ulttyq qurama sapynda Islam Satpaev, Konstantın Malınovskı jáne Nıkıta Shahtorın synǵa tústi. Jarys qorytyndysy boıynsha qazaqstandyq sportshylar 1746 upaı jınap, besinshi satyǵa turaqtady. Sondaı-aq olardyń enshisinde ishki ondyqqa 79 tıý bar.
Azıada chempıony atanǵan Qytaı quramasy 1766 upaı kórsetti. Kúmis júldeni Úndistan (1762) ıelense, úzdik úshtikti Ońtústik Koreıa (1751) túıindedi.
Sonymen qatar oq atý jarysyna Valerı Rahımjan men Valerıa Popelova qatysty. Qazaqstandyqtar 10 metr qashyqtyqtan pnevmatıkalyq tapanshamen atýdan aralas komandalyq týrnırdiń irikteý kezeńinde óner kórsetti. İrikteý qorytyndysy boıynsha qazaqstandyq jup 569 upaı jınap, 13-orynǵa turaqtady. Bul nátıje Rahımjan men Popelovaǵa fınalǵa shyǵýǵa múmkindik bermedi.