Qazaqstan alǵash ret qonaqúıleri MICHELIN Key reıtıńine engen elder qataryna qosyldy: respýblıkanyń bes qonaqúıi «Mıshlen» baǵalaý júıesindegi úsh «kilttiń» bireýine ıe boldy, dep habarlaıdy infohub.kz saıty.
Atalǵan qonaqúılerdiń úsheýi Astanada, bireýi Almatyda, taǵy bireýi «Shymbulaq» taý shańǵy kýrortynda ornalasqan.
Tizimge Astanadaǵy The Veil Hotel endi. Qonaqúı Esildiń oń jaǵalaýynda tur jáne erekshe sáýletimen tanymal. Ǵımaratta meıramhanalar, sharap býtıgi jáne SPA jumys isteıdi.
Reıtıńke engen taǵy bir qonaqúı — The St. Regis Astana. Ol da Esil jaǵasynda, Ortalyq saıabaqtyń janynda ornalasqan.
The Ritz-Carlton, Astana Talan Towers kesheninde tur. Qonaqúıde 157 nómir men lúks bar, sondaı-aq SPA, baseın, meıramhana jáne bar jumys isteıdi.
Almatyda bir «kiltti» Esentai Tower ishindegi The Ritz-Carlton, Almaty ıelendi. «Mıshlen» baǵalaýynda qala men İle Alataýynyń kórinisi erekshe atap ótilgen.
Besinshi qazaqstandyq qonaqúı — Tenir Eco Hotel Shymbulak. Ol shamamen 3200 metr bıiktikte ornalasqan jáne on jeke nómirden turady.
Michelin qonaqúıleriniń jahandyq tizimi alǵash ret 2025 jyly jarıalandy — oǵan álem boıynsha eki myńnan astam oryn endi. Ortalyq Azıada «kilt» alǵan lokasıalar sany boıynsha Qazaqstan kósh bastap tur. Ózbekstan gıdte InterContinental Tashkent qonaqúıimen belgilendi.
Buǵan deıin Kursiv LifeStyle Tatler Best Kazakhstan 2026 tiziminde qandaı qonaqúıler, meıramhanalar men barlar atalǵanyn jazǵan bolatyn.