Qazaqstanda tutyný tólemderiniń jalpy kólemindegi qolma-qol aqshanyń úlesi 12%-dy qurady. Bul kórsetkish boıynsha respýblıka álemniń jetekshi ekonomıkalarymen is júzinde teńesip, birqatar damýshy naryqtardan ozdy. Mundaı derekterdi «Fintech in Kazakhstan 2026» ulttyq jyldyq zertteýiniń avtorlary keltirdi, dep habarlaıdy infohub.kz saıty.
Qazaqstan barlyq tutyný tóleminiń 11%-y qaǵaz aqshaǵa tıesili AQSh pen kórsetkishi 10% bolatyn Ulybrıtanıaǵa tym jaqyn ornalasty.
Qolma-qol aqshany eń az paıdalanatyn el — Norvegıa, onda nebári 4%. Úzdik úshtikke banknot pen monetanyń úlesi 5%-dan keletin Qytaı men Shvesıa da kirdi. Ońtústik Koreıada bul kórsetkish 7% deńgeıinde tur. Sonymen qatar Qazaqstan operasıalar kóleminiń 17%-y áli de qolma-qol esep aıyrysýǵa tıesili Brazılıadan aıtarlyqtaı ozyp otyr.
Internet- jáne mobıldi bankıng aqshalaı mánde kósh bastap tur: jalpy tranzaksıa kóleminiń shamamen 80%-yn qamtamasyz etedi. Bul — iri esep aıyrysýlar jasaýdyń negizgi arnasy.
Al QR-tólemder chek somasy az kúndelikti bólshek saýda satyp alýlarynyń basty quralyna aınaldy. QR-tranzaksıalardyń sany boıynsha úlesi shamamen eki ese ósip, jalpy operasıa kóleminiń 10%-yn qurady. 2026 jyldyń alǵashqy bes aıynda QR-tólemder aınalymy $17 mlrd-qa (8 trln teńge) jetip, ekinshi jyl qatarynan POS-termınaldar kórsetkishinen ($16 mlrd / 7,5 trln teńge) asyp tústi.
«Fintech in Kazakhstan 2026» zertteýin RISE Research agenttigi bcc hub, Fintech Center jáne Tarlan-men birlesip, Qazaqstan Respýblıkasy Ulttyq bankiniń qoldaýymen daıyndady. Taldaý jasaý barysynda sarapshylar Ulttyq banktiń statısıkasy men Worldpay Global Payments Report 2025 esebiniń derekterine súıendi.
Esep avtorlary keltirilgen sandar ádisteme aıyrmashylyǵyna baılanysty boljamdy sıpatta ekenin naqtylaıdy: halyqaralyq statısıka POS-termınaldar prosesınginiń derekteri men saýalnamalardy eskeredi, al qazaqstandyq kórsetkish karta operasıalarynyń jalpy qunyndaǵy qolma-qol aqshasyz tranzaksıalardyń úlesin bildiredi.
Buǵan deıin «Kýrsıv» Qazaqstandaǵy qolma-qol aqshasyz tólemder kólemi qolma-qol aqshamen jasalǵan mámilelerden shamamen 9 ese kóp ekenin jazǵan bolatyn.