2026 jyldyń birinshi jartyjyldyǵynda Qazaqstanda qolma-qolsyz tólemder kólemi 5,4%-ǵa ósip, 91,2 trln teńgege jetti, dep habarlaıdy infohub.kz saıty.
Qazaqstan qarjygerleri qaýymdastyǵynyń (AFK) derekterine sáıkes, 2026 jyldyń alty aıynda qolma-qolsyz tólemder kólemi 91,2 trln teńgeni qurap, ótken jyldyń sáıkes kezeńimen salystyrǵanda 5,4%-ǵa artqan. Nátıjesinde kartalyq tranzaksıalardyń jalpy kólemindegi qolma-qolsyz operasıalardyń úlesi 87%-dan 87,9%-ǵa deıin ósti.
Osy aıada bankomattar arqyly qolma-qol aqsha alý kólemi 2,8%-ǵa azaıyp, 12,6 trln teńgege tústi. Alý operasıalarynyń sany 4,1%-ǵa kemidi, alaıda ortasha alý somasy 1,3%-ǵa ósip, 114,3 myń teńgeni qurady.
Bir qyzyǵy, qolma-qolsyz operasıalar sany 6%-ǵa ósip, 7 mlrd-qa jetti, al ortasha chek, kerisinshe, 0,7%-ǵa azaıyp, 13,1 myń teńge boldy. Sarapshylardyń pikirinshe, bul qolma-qolsyz tólemderdiń ósýi eń aldymen kartalar men basqa da tólem tásilderin jıi qoldaný esebinen qamtamasyz etilip otyrǵanyn kórsetedi.
Qazaqstandyqtar QR-tólemderdi jıi tańdaı bastady. Negizinen qolma-qolsyz tólem ınternette qoldanylady – oǵan barlyq aınalymnyń 79% tıesili. Degenmen QR-tólemderdiń úlesi 10,2%-dan 10,9%-ǵa, al POS-termınaldar (kasada kartamen tóleý) úlesi 9,6%-dan 10%-ǵa deıin birtindep ósýde. Eske salaıyq, shilde aıynan bastap Qazaqstanda bankaralyq QR-tólemderdiń biryńǵaı júıesi, sondaı-aq Bankaralyq mobıldi tólemder júıesiniń servısi tolyq kólemde jumys isteı bastady. Bul jańashyldyqtar azamattardyń qolma-qolsyz esep aıyrysýǵa kóshýin jedeldetýi múmkin.