Japonıanyń Aıtı-Nagoıa aımaǵynda ótip jatqan 2026 jylǵy HH jazǵy Azıa oıyndarynda Qazaqstannyń regbı-7 erler quramasy alǵashqy jeńisin toılady, dep habarlaıdy infohub.kz saıty.
Beısenbide erler jáne áıelder quramalary irikteý kezeńiniń eki oıynyn ótkizdi.
Qazaqstannyń erler quramasy A tobyndaǵy alǵashqy oıynynda Japonıadan 0:38 esebimen jeńilip qaldy. Alaıda ekinshi týrda qazaqstandyqtar Taılandty 12:5 esebimen utty. Nátıjeli áreketterimen Nıkıta Ivanov pen Danıl Týr kózge tústi.
Úshinshi, sheshýshi týrda qazaqstandyqtar 2 qazanda Ońtústik Koreıamen shırek fınalǵa tikeleı joldamany sarapqa salady.
Áıelder quramasy D tobynda beısenbide eki oıynda da jeńilis tapty — Taılandtan (5:28) jáne Japonıadan (0:48). Úshinshi, sheshýshi týrda 2 qazanda Sıngapýrmen kezdesedi.
Áıelder torynda medal úshin kúresti eki toptyń da eń myqty eki komandasy jalǵastyrady. Qazaqstan quramasy jartylaı fınalǵa shyǵý múmkindiginen aıyrylyp, keıin jubanysh pleı-offynda oınaıdy.